A Policía Local de Boiro sancionou a 11 persoas durante o fin de semana por incumprir as restricións ditadas polas autoridades respecto á COVID – 19: saltarse os límites perimetrais, non levar a máscara e incumprir o toque de queda.
Estas denuncias súmanse ás 12 impostas a semana anterior pola Policía. Ademais, os axentes avisaron e propuxeron para sanción a un grupo de nenos que facían uso das pistas deportivas, actualmente pechadas por un decreto da alcaldía.
Dende a Policía Local e a Garda Civil sinalan que “é moi importante que a poboación cumpra as medidas impostas para a prevención da crise sanitaria”.
