O Concello de Noia inaugurou este mércores a exposición fotográfica Mulleres de madeira, ferro e sal, unha homenaxe ás vidas anónimas das mulleres da nosa terra e, concretamente, “aos seus traballos silenciosos logo das duras e esgotadoras xornadas de actividade laboral no mar”.
A estrea da mostra de Victor M. Martínez Campos, Pichero, contoucoa presenza do alcalde de Noia, Santiago Freire, de concelleiras e concelleiros dos distintos grupos municipais e, tamén, de integrantes da Confraría de Noia.
O horario de visita da exposición, visíbel no Museo do Mar do Noia, é o seguinte: de luns a venres de 17.30 a 19.30 horas e sábados e domingos de 11.00 a 13.00 horas.
