20190806.- Este venres 9 de agosto ás 21 horas terá lugar no salón de plenos do Consistorio a presentación dun libro póstumo a Plácido Betanzos (1952-2018): “Relatos e lembranzas”.
O acto está organizado pola Comisión de Homenaxe a Plácido Betanzos coa colaboración do Concello de Riveira. No evento intervirán Santi García, membro da devandita comisión e deseñador e coordinador da publicación; Sofía Betanzos, filla do autor homenaxeado; Goretti Sanmartín ,e o alcalde Manuel Ruiz Rivas. Presenta e modera Olegario Sampedro. O acto incluirá un recital da poetisa Marta Pedrosa acompañada musicalmente de José Luis Olveira. O libro foi impreso pola Deputación da Coruña.
