O alcalde de Boiro, José Ramón Romero, e a concelleira de Ensino,
María Outeiral, reuníronse co conselleiro de Cultura e Educación, Román
Rodríguez, para ampliar a colaboración e traballar na realización de proxectos conxuntos entre ambas as dúas entidades.
Na xuntanza, a primeira charla directa entre a concelleira do goberno
local e o conselleiro da administración autonómica, tratáronse diversos asuntos relativos ao eido educativo, como son a solicitude realizada por parte do Concello de Boiro para a posta en marcha dunha Escola Oficial de Idiomas (EOI) en Boiro, unha demanda de toda a comunidade educativa e secundada pola corporación municipal.
Ademais, na xuntanza acordouse unha maior coordinación entre o
persoal técnico da Xunta de Galicia para potenciar proxectos no eido cultural. O alcalde e o conselleiro manifestaron a súa disposición para traballar en proxectos conxuntos para impulsar a cultura e a industria cultural no municipio, especialmente para a súa recuperación logo da Covid-19.
