O Concello de Porto do Son segue adiante co seu programa de actividades de envellecemento activo e saudábel para as e os maiores do termo municipal. Nesta liña insírese a actividade de bailoterapia que se vai desenvolver a partir deste 28 de setembro, co obxectivo de achegar ás persoas de máis de 60 anos (e pensionistas de máis de 55) unha oportunidade “para manterse activas e en forma a través dunha experiencia divertida”. Organiza a Concellería de Benestar Social, que informa de que o número de teléfono para formalizar as inscricións é o 981 867 414.
As actividades desenvolveranse os mércores no Polideportivo de Santa Irene en Porto do Son (de 18.00 a 19.00 horas), os xoves na Casa da Cultura de San Pedro (de 18.30 a 19.30 horas) e os venres na Casa da Cultura de Caamaño (de 16.00 a 17.00 horas e na Casa da Cultura de Xuño en horario de 17.15 a 18.15 horas). Haberá, por motivos de seguridade sanitaria, prazas limitadas.
