O Concello de Ribeira inicia a dotación de novo aglomerado na rúa Atalaia en Corrubedo, unha das máis transitadas do pobo ao servir como un dos principais viais de entrada e saída de tráfico rodado ao pobo.
Na actualidade, o pavimento desta rúa está bastante deteriorado, razón pola cal se elaborou un proxecto dirixido a mellorar o firme cunha nova pavimentación asfáltica de 6 centímetros de espesor por unha extensión de 1.018 metros cadrados, previo fresado parcial do actual pavimento e limpeza das marxes. O prazo de execución son dous meses.
A empresa Nemesio Ordóñez é a encargada de realizar unas obras que comportan un investimento de 30.056 euros, IVE incluído, financiados no marco do POS provincial.
