Os seareiros da imaxe teñen estes días unha cita obrigada na Casa da Cultura Raquel Fernández Soler da Pobra do Caramiñal, que acubilla as obras gañadoras do XVI Premio Luís Ksado de Creación Fotográfica. A mostra ficará aberta até o 31 de agosto, en horario de 10.00 a 13.30 e de 19.00 a 21.00 horas. O dito certame vén da man da Deputación da Coruña. A exposición está formada polas obras gañadoras, ex-aequo: Fillos de Breogán de Alejandro Real e Ganborder de Javier Arcenillas.
Un xurado internacional composto por Jorge Represa, Ana Palacios, Luís Vasconcelos, Pilar Carrera e Xoán Crespo, co deputado de Cultura, Xurxo Couto como presidente e a xefa de sección de Cultura, Manuela Muñíz, en calidade de secretaria, decidiu por unanimidade por conceder o premio ex aequo a Alejandro Real e Javier Arcenillas por dous traballos que, segundo destaca “mostran unha gran calidade fotográfica e abordan a fotografía documental dende diferentes visións”.
A mostra complétase coas colección dos catro finalistas do premio, A epifanía etíope de Carlos López, Nuestra memoria de Juan Medina, Un breve momento de locura de Fuco Reyes, e Los paraísos artificiales de Rosa Taboada.
