Unha información falsa difundida polo servizo de mensaxería e alimentada polas redes sociais indicaba que se detectou un brote de coronavirus durante a celebración dun bautizo nun coñecido restaurante de Boiro. A dirección do local desmintiu de forma rotunda estes rumores, que tamén sinalaban que o evento tiña como protagonistas a unha coñecida cantante e actriz galega da Tvg.
Desde o local desmenten que no evento se reunísen 150 persoas e que se detectase un brote de coronavirus no local. Ao evento asistiron ao redor dunha trintena de invitados e, aínda que unha persoa que estivo recentemente en contacto coa actriz si deu positivo nas probas do coronavirus días despois e que se atopa asintomático, en ningún caso se trata dun brote nin se deron novos contagios.
A Pobra convoca o X Concurso Fotográfico de Micoloxía con 750 euros en premios
O Concello da Pobra do Caramiñal presentou hoxe a décima edición do Concurso Fotográfico de Micoloxía, unha iniciativa destinada a divulgar o coñecemento dos fungos e cogomelos e fomentar o respecto polo medio ambiente. Na rolda de prensa participaron o concelleiro de...
