O lume de Nebra (Porto do Son), que foi declarado antonte pola tarde e que orixinou a declaración de Situación 2 pola proximidade das lapas ás vivendas do núcleo de Queiro e polos riscos graves para a poboación que isto supuxo, foi finalmente controlado este mércores 22 á tarde-noite, logo de ter arrasado, segundo as últimas estimacións, unha superficie de monte de 40 hectáreas.
O dato foi achegado ás 9.00 deste xoves 23 pola Consellería de Medio Rural, que recoñece que o máis preocupa neste intre é o incendio activo que asola o concello de Verín e que xa levou por diante 160 hectáreas.
Volvendo ao de Nebra, afectou concretamente unha superficie de 40,71 hectáreas de arborado. Para o seu control mobilizáronse polo de agora 1 técnico, 22 axentes, 34 brigadas, 27 motobombas, 2 pas, 7 helicópteros e 6 avións.
