A área de Servizos Socias do Concello de Boiro vén de facer un novo balance da actividade desenvolvida polo departamento ao longo da emerxencia sanitaria e en relación cos fogares beneficiarios do seu labor. Segundo fixo saber, o departamento viu incrementada a súa actividade durante o Estado de Alarma con sete novas altas no servizo de teleasistencia, un instrumento que xestiona a Deputación da Coruña cuxo obxectivo é mellorar a calidade de vida das persoas que viven soas gracias a un intercomunicador que poden carrexar nos seus desprazamentos e que lles permite ter atención permanente, so con premer no aparello.
Desde que se ampliou este servizo con motivo da COVID-19, déronse de alta en Boiro un total de 7 novos usuarios, polo que no municipio de Boiro hai un total de 40 teleasistencias activas. É o persoal do departamento de Servizos Sociais quen realiza estes trámites de solicitudes para o servizo de teleasistencia de aquelas persoas maiores de 65 anos que viven soas.
