O Lustres de Rivas de Ribeira inaugura a mostra Madeiras do Mar de Ruth Beltrán

21 Novembro 2026

O Outono Cultural continúa achegando diferentes disciplinas artísticas en Ribeira coa apertura da exposición itinerante Madeiras do Mar, de Ruth Beltrán, que chega ao Centro Cultural Lustres Rivas de Ribeira despois do seu paso por Cangas, Bueu, Boiro e Malpica. Esta mostra arriba á instalación municipal ribeirense con arredor de medio cento de pezas onde o contido e o soporte dialogan entre si e co público que as poderá observar ata o 19 de decembro.

Esta serie enmárcase no proxecto Madeira Zombi que combina fotografía, artesanía e etnografía transferindo imaxes a madeiras arruinadas e abandonadas para dotalas dunha nova utilidade. Aquí, conflúe o relato da propia instantánea e a do pasado do soporte; madeiras que volven á vida cargadas de novos significados. E a tradición mariñeira impera en tódalas obras, non só por amosar momentos, obxectos ou paisaxes costeiras, senón tamén porque estes soportes foron recuperados das praias e das rochas, vestixio da súa antiga vida vencellada a diferentes oficios relacionados co mar.

Durante a apertura, a segunda tenente de alcaldesa, Herminia Pouso, na compaña da creadora, manifestou que Madeiras do Mar é un canto á nosa esencia, unha homenaxe ás persoas e empresas que foron tecendo, como se dunha rede de tratase, parte da historia de Galicia. Porque a nosa terra non se entende sen o mar. E en Ribeira sabemos ben disto. Somos mariñeiros. O mar non só forxou o noso carácter e a forma de vida, senón que tamén influíu no modelo urbanístico desenvolvido e na nosa cultura. De feito, no noso municipio contamos cunha gran riqueza patrimonial material e inmaterial”.

E esa identidade ribeirense faise notar en pezas que recordan a traxedia do buque Santa Isabel e o pasado da illa de Sálvora.

O público pode visitar a sala de luns a venres, de 10.00 a 14.00 e de 18.00 a 21.00 horas, así como os sábados, dende as 10.00 ata as 14.00 horas.

Outros artigos

Publicidade

Revista en papel

Opinión

“Retirada de Medallas ao Mérito no Traballo” – Antón Luaces

“Retirada de Medallas ao Mérito no Traballo” – Antón Luaces

Os galegos Pedro Barrié de la Maza, José Fariña Ferreño e José María González-Llanos figuran entre as sete persoas e unha entidade ás que o Ministerio de Traballo retirará as  Medallas ao Mérito no Traballo polos seus vínculos  ao golpe de estado fascista e...

“Objetividad de la visión en España”. José Fernández Lago

“Objetividad de la visión en España”. José Fernández Lago

En este período de ocho años del actual Gobierno, han tratado de resolverse muchas cuestiones. Algunas de ellas han llegado a buen término, al encontrar apoyo en la mayor parte del Parlamento. Otras, en cambio, no han hallado esa acogida, y fueron rechazadas. Cierto...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.