O Foro e o Museo Valle-Inclán participan na homenaxe a Josefina Blanco xunto ao Concello de Cambados

20 Novembro 2026
Foto da homenaxe publicada no Faro de Vigo, de autoría de Iñaki Abella

Este xoves 19 de novembro o Foro Galicia e Valle Inclán reuniuse en Cambados con representantes do Museo Valle Inclán da Pobra do Caramiñal e co Concello de Cambados para realizar unha pequena homenaxe e Josefina Blanco Tejerina, no Cemiterio de Santa Mariña de Dozón.

Sara Barbanzán (técnica do Museo) representou ao centro expositivo e cultural da Pobra pola baixa do seu director, e por parte do foro asistiron Pilar Sampedro e Ángel Varela e pola do Concello de Cambados o concelleiro de Cultura Liso González.

Foi, nas súas palabra, “un acto de recoñecemento unha muller que máis alá de ser a esposa de Valle Inclán e nai dos seus fillos, tivo unha biografía destacábel que cómpre visibilizar e e reivindicar”.

Levouse a cabo este 19 de novembro porque se correspóndese co cabodano do seu falecemento, e no dito camposanto cambadés porque é aí onde está enterrada por desexo propio, debido a que quería ficar preto do seu fillo Joaquín que rematou aquí os seus días, ao pouco tempo de nacer.

Josefina Blanco Tejerina foi unha nena prodixio. Cando morre súa nai pasa a vivir cunha tía actriz e debuta con cinco anos no teatro. Foi unha carreira salientábel a pesar das intermitencias por mor da crianza dos seus fillos. Ademais, sábese que traduciu unha obra polo menos, que transcribiu e corrixiu obras de Valle ao tempo que levaba a contabilidade e edición das mesmas despois da súa morte.

“Recuperar a esta muller é facer xustiza despois de tanto tempo no que as mulleres foron invisibilizadas na Historia”, indicaron.

Outros artigos

Publicidade

Revista en papel

Opinión

“Ameazas de bombas para os escolares galego”. Antón Luaces

“Ameazas de bombas para os escolares galego”. Antón Luaces

Unha trintena de centros escolares públicos e privados galegos recibiron onte, mércores, cadanseu correo electrónico con esta expresiva mensaxe: "Si desea salvar la vida de los estudiantes, abandone el edificio". Con educación e perfecto castelán, mais cun ton...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.