O alumnado do Obradoiro Goiáns V do Concello de Boiro realiza traballos de carpintería e forestal en espazos do municipio

20 Novembro 2026

O Concello de Boiro leva a cabo, durante o curso 2026/2027, o Obradoiro de Emprego Torre Goiáns V, destinado a 20 alumnos/as traballadores divididos nas especialidade de Repoboacións forestais e tratamentos silvícolas e Instalación de elementos de carpintería.

A través desta iniciativa de formación dual o alumnado combina a formación teórica e práctica coa execución de actuación reais de gran valor para o municipio.

O alumnado, que conta cun contrato de traballo para a formación e aprendizaxe a tempo completo, fórmase de xeito teórico e tamén práctico.

O alumnado de forestal traballa na consolidación de frondosas, nos tratamentos silvícolas e na limpeza de faixas secundarias, contribuíndo así á conservación dos espazos naturais e á prevención dos incendios forestais. Xa se realizaron traballos na finca do Pazo de Goiáns, na comunidade de montes de Sealo, na contorna dos Castros de Neixón ou en Ribademar no trazado do Camiño A Orixe.

En canto ao alumnado de carpintería, está a desenvolver traballos para a reparación de elementos das pasarelas de madeira da praia de Carragueiros, Barraña ou Mañóns e nas do paseo do río Coroño. O alumnado realiza tamén traballos no taller para a preparación de elementos dos centros sociais de Abanqueiro e Boiro.

Para levar a cabo este Obradoiro de Emprego Torre Goiáns V o Concello de Boiro recibe da Consellería de Emprego, Comercio e Emigración da Xunta de Galicia unha subvención por importe de 467.052,00 euros.

Outros artigos

Publicidade

Revista en papel

Opinión

“Ameazas de bombas para os escolares galego”. Antón Luaces

“Ameazas de bombas para os escolares galego”. Antón Luaces

Unha trintena de centros escolares públicos e privados galegos recibiron onte, mércores, cadanseu correo electrónico con esta expresiva mensaxe: "Si desea salvar la vida de los estudiantes, abandone el edificio". Con educación e perfecto castelán, mais cun ton...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.