O Consorcio de Santiago adxudica por preto de 50.000 euros a restauración das portas da igrexa de Santa María de Conxo e da Capela do Cristo

19 Novembro 2026

Os traballos, encargados á empresa Vicente de la Fuente, S.L., permitirán desmontar ambos os accesos para intervir en taller sobre a madeira e as pezas de forxa orixinais.

O Consorcio de Santiago adxudicou á empresa Vicente de la Fuente, S.L. as obras de restauración da porta principal de acceso á igrexa de Santa María de Conxo e da porta interior que dá paso á Capela do Cristo. A intervención, cun orzamento de 49.734,15 euros (IVE incluído), ten como finalidade asegurar a conservación de dous elementos singulares deste conxunto patrimonial que presentan danos derivados do paso do tempo, do uso continuado e das condicións ambientais.

Segundo informou o organismo interadministrativo, ambas as estruturas serán retiradas dos seus emprazamentos para seren tratadas en taller antes de volver instalarse nos seus respectivos accesos unha vez concluída a posta a punto.

Na porta principal do templo, a actuación centrarase en corrixir os desaxustes estruturais que actualmente dificultan a súa apertura, reparar as pezas de madeira deterioradas e restaurar tanto as ferraxes como os elementos de forxa, respectando os materiais orixinais para mellorar a súa funcionalidade e estado de conservación.

Pola súa banda, na porta interior da Capela do Cristo intervirase especialmente na parte inferior do cerramento, que se viu afectada polas modificacións levadas a cabo no pavimento durante obras anteriores. Os labores nesta peza consistirán na reparación das zonas danadas e na incorporación de novos elementos elaborados en madeira de castiñeiro.

Con este proxecto, o Consorcio de Santiago dá continuidade á súa liña de conservación e posta en valor do patrimonio histórico, artístico e arquitectónico compostelán, ao tempo que fomenta a preservación e transmisión dos oficios tradicionais ligados á carpintería, á forxa e á restauración de bens culturais.

Outros artigos

Publicidade

Revista en papel

Opinión

“Ameazas de bombas para os escolares galego”. Antón Luaces

“Ameazas de bombas para os escolares galego”. Antón Luaces

Unha trintena de centros escolares públicos e privados galegos recibiron onte, mércores, cadanseu correo electrónico con esta expresiva mensaxe: "Si desea salvar la vida de los estudiantes, abandone el edificio". Con educación e perfecto castelán, mais cun ton...

“Pensar doe”.  Xosé A. López Silva

“Pensar doe”.  Xosé A. López Silva

.Hai xa bastantes anos insistíalle eu a un alumno que se atascara nunha tradución do latín: «Pensa, pensa!». O rapaz moveu a cabeza e, ao cabo duns segundos, estoupou, o pobre: «Pensar doe, profesor!». Durante moito tempo contei aquela resposta como unha simple...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.