
No marco do programa teatral Outes a Escena, a actriz e dramaturga Iria Pinheiro levará á Serra a obra Vitória, unha peza de teatro autobiográfico que conta o proceso xudicial ao que se someteu a propia actriz cando interpuxo unha denuncia por acoso sexual contra o director do programa de televisión no que traballaba. A peza reconstrúe a historia que vai desde 2017 a 2023, intercalando a documentación xudicial do proceso co xogo e a ironía característicos do cabaré.
“Escribín Vitória, retrato dunha denuncia porque quería que as cousas cambiasen. Compoñer un manual de supervivencia para as outras mulleres, para quen puidese estar nunha situación de denuncia. Simplemente cuspín ao patriarcado”. (Iria Pinheiro).
Será este sábado 28 de novembro ás 20:00 horas na Casa da Cultura de Outes (unha vez comezada a función, non se permitirá o acceso á sala). Trátase dunha obra para público adulto. A entrada é gratuíta e pode retirarse en Bandoticket.com ou na Casa da Cultura de Outes.
Esta obra está incluída no Bono Xeral.
Espectáculo : Vitória, retrato dunha denuncia
Actor Secundario : Salva del Río
Actriz Secundaria : Victoria Pérez
Actriz Protagonista : Iria Pinheiro
Maquillaxe : Kiliminó
Vestiario : Atôla
Iluminación : Daniel Abalo
Texto Orixinal : Iria Pinheiro
Dirección : Victoria Pérez, Iria Pinheiro,Salva del Río e Susana Villaverde
Dirección de movimiento : Vedettes Galegas
Espazo sonoro : Mónica de Nut e DJ Concha
Espazo escénico : Daniel Abalo



