A Policía Local da Pobra localiza unha persoa con requisitoria xudicial pendente

16 Novembro 2026

A Policía Local da Pobra do Caramiñal procedeu este luns 16 de novembro á localización dunha persoa sobre a que pesaba unha requisitoria xudicial de busca e presentación, emitida polo Xulgado de Instrución Número 2 de Ribeira.

Os feitos tiveron lugar arredor das 10:40 horas, cando dous axentes da Policía Local realizaban labores de identificación e rexistros superficiais de tres varóns nun edificio situado na rúa Nova.

A intervención produciuse tras recibir avisos veciñais pola presenza dunha persoa que, supostamente, atopábase durmindo nas escaleiras do inmóbel. Durante a actuación, os axentes comprobaron que as persoas identificadas ían cara ao piso do edificio.

No transcurso das comprobacións de identidade, solicitouse a colaboración da Garda Civil da Pobra do Caramiñal para verificar os datos dunha das persoas presentes. Tras as consultas oportunas, confirmouse que sobre ela pesaba unha requisitoria xudicial de busca e presentación ante o Xulgado de Ribeira.

Ante esta circunstancia, a persoa foi trasladada ás dependencias da Garda Civil da Pobra do Caramiñal para realizar os trámites correspondentes e proceder á súa posterior posta a disposición xudicial ante o órgano que emitira a requisitoria.

Así mesmo, a Garda Civil da Pobra do Caramiñal continúa coas investigacións correspondentes, dado que sobre esta persoa constan varias denuncias por feitos que están a ser investigados por este corpo policial.

A actuación pon de manifesto a importancia da colaboración cidadá, da identificación preventiva e da coordinación entre os distintos corpos policiais para garantir a seguridade e o cumprimento das resolucións xudiciais.

Outros artigos

Padrón, premio Pobo Máxico do Ano 2027

Padrón vén de ser premiado como Pobo Máxico do Ano 2027, a máxima distinción concedida pola rede Pueblos Mágicos de España dentro dos seus Premios Nacionais. O galardón sitúa o municipio padronés á cabeza dunha edición que recoñece a posta en valor do patrimonio...

+

A Pobra celebra Santa Icía cun concerto solidario no Teatro-Cine Elma

O Teatro-Cine Elma acollerá o vindeiro sábado, 21 de novembro, o Concerto Solidario de Santa Icía 2026, unha iniciativa que combinará música e solidariedade con motivo da festividade da patroa das persoas músicas. A cita comezará ás 18.00 horas e contará coa...

+

Publicidade

Revista en papel

Opinión

“Decidiremos nós”. Luís Celeiro

“Decidiremos nós”. Luís Celeiro

Fóra da casa tronaba e os tronos escoitábanse nos cuartos, na cociña e no escritorio. No curral e nascortes do gando, moito máis, metían medo. O son dos tronos entraba na casa polo teito e polasventás de madeira, polas regañas das portas, polos ouvidos da xente e polo...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.