“O falar non ten cancelas. En campaña electoral, menos aínda” – Antón Luaces

16 Novembro 2026

Poño uns exemplos e clarexo que, para aqueles que non o saiban, a miña vida profesional sempre se desenvolveu na radio pública: RCE (Radiocadena Española) e RNE (Radio Nacional de España), con colaboracións máis ou menos extensas no tempo nos xornais El Ideal Gallego, El Correo Gallego, La Opinión-Faro de Vigo, Atlántico Diario e La Voz de Galicia e durante uns meses na TVG. Foron, como o lector se imaxinará, moitos anos de tarefa nos medios que se iniciaron en Ribeira (Emisora parroquial) e rematei na Coruña en RNE, dende desde a que manteño esta serie de “entregas” de O Barbanza que, en grande medida, me permite curar a saudade que calquera pode sentir após a súa xubilación. 

Radiofonicamente falando tiven responsabilidades de dirección territorial en RCE-Galicia e RNE-Galicia, o que me permitiu coñecer a fondo os riscos que os medios de comunicación han correr cada vez que se produce a convocatoria de eleccións en calquera das vertentes municipal, autonómica ou nacional e a responsabilidade que, a este respecto, recae na dirección dos medios (que non é pouca).

Todo este preámbulo, lector amigo, para amosar agora o meu asombro diante do que acontece co devir desta campaña electoral acaba de comezar na que o insulto e a descualificación do contrario están á orde do día na percura deses votos que permitan gobernar en solitario ou co apoio de partidos máis ou menos afíns. 

É necesario verdadeiramente chegar a este escenario mentando -para mal- ás nais e pais dos candidatos presentados polos partidos para gobernaren no nome de todos o que din representar, recorrer á IA, aos “memes”, ás alpurnadas e bulos, para tentar situarse-de entrada- en postos cimeiros que non sempre levan ao obxectivo final que non é outro que chegar como sexa ao remate da carreira?

Existen normas establecidas, ata o de agora respectadas, que sancionan aos incumpridores das mesmas e, polo que sexa, o encargados de facelas cumprir semellan descoñecelas. Ou será que non teñen interese en aplicar esas normas depende segundo cal sexa o partido que as cometa?.

Nunca tal vin en tantos anos de exercicio profesional. Imaxina o lector cal sería a reacción diante deste tipo de actuacións con Manuel Fraga Iribarne, Xosé Manuel Beiras e Geluco Guerreiro coma candidatos dos seus respectivos partidos a un escano no Congreso dos Deputados ou, por poñer, no Parlamento galego?

A min fáiseme imposible pensalo. 

Que estamos a facer logo?. Algo està mal e non queremos velo, ou?

Outros artigos

“Decidiremos nós”. Luís Celeiro

Fóra da casa tronaba e os tronos escoitábanse nos cuartos, na cociña e no escritorio. No curral e nascortes do gando, moito máis, metían medo. O son dos tronos entraba na casa polo teito e polasventás de madeira, polas regañas das portas, polos ouvidos da xente e polo...

+

“Ou gañamos ou isto acabouse” – Antón Luaces

No arranque oficial da campaña electoral deste ano, as dereitas, dereitas extremas e  variadas esquerdas e partidos nacionalistas da España de 2026 teñen chegado -por distintos vieiros- á mesma conclusión: "Ou gañamos ou acabouse".  Este "aviso" parte dos "populares"....

+

“Un funeral por muertos en España”. José Fernández Lago

Han abandonado este mundo en contra de su voluntad, en momentos en que esperarían que su viaje transcurriera según los cánones, de suerte que llegaran a buen término. Sin embargo, no ha sido así, debido a que los responsables nacionales de los transportes no habían...

+

Publicidade

Revista en papel

Opinión

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.