O Centro Arqueolóxico do Barbanza (Neixón, Boiro) vai acoller este sábado 7 de novembro a segunda edición do seu Obradoiro de Cestería Prehistórica, unha actividade divulgativa e creativa para crianzas de 6 a 14 anos e que está prevista en horario de mañá, de 11.00 a 13.00 horas, logo do éxito de participación da primeira convocatoria. Segundo informou o Centro Arqueolóxico do Barbanza (Concello de Boiro), trátase dun obradoiro para que a rapazada descubra como se facía un cesto na prehistoria empregando técnicas tradicionais.
En concreto, ao longo da sesión, a rapazada descubrirá como se elaboraban os cestos na prehistoria empregando técnicas tradicionais. Ademais, poderán confeccionar o seu propio cesto e levalo como recordo para a casa.
A actividade require inscrición previa.
Aforo limitado a 15 prazas por sesión (terán preferencia na adxudicación as nenas e nenos que non asistisen á edición anterior do obradoiro).
A actividade será impartida pola Asociación Ambar.
