O Concello de Boiro retoma a vindeira semana os cursos de formación da UNED Senior que se paralizaron durante o Estado de Alarma pola COVID-19. Neste semestre, ao servizo das persoas maiores do termo municipal, impartirase a modalidade de cultivo de hortalizas todo o ano.
Segundo lembra o Concello, o curso comezou no mes de marzo e estaba previsto que rematase agora estes días de xuño. Porén, por mor da pandemia do coronavirus, só foi posíbel impartir unha clase. A formación reiniciase finalmente o vindeiro martes 23 de xuño en horario de 18.00 a 22.00 horas.
As clases teóricas vanse impartir no Centro de Formación e Viveiro de Empresas de Espiñeira e, para as clases prácticas, acondicionouse un espazo na finca de Goiáns, na que os asistentes ao curso van a poñer en práctica os coñecementos sobre cultivo ecolóxico de hortalizas adquiridos.
