A comunidade situarase nunha área intermedia de presións que deixará estabilidade térmica e ventos frouxos do suroeste.
Galicia atoparase este luns 12, Festa Nacional e do Pilar, nunha situación meteorolóxica intermedia entre as altas e as baixas presións, marcada pola entrada dun réxime de ventos do suroeste que achegará aire cálido e húmido a todo o territorio.
O día caracterizarase polos contrastes na cuberta nubrada: agárdanse ceos moi tapados tanto a primeiras horas da mañá como ao final da xornada, mentres que nas horas centrais se abrirán grandes claros. No tocante aos termómetros, as temperaturas manteranse estables e non experimentarán cambios significativos respecto a días anteriores, ao tempo que o vento soprará con carácter frouxo de compoñente suroeste. (máximas 21 graos).
O noso mar; Vento do sueste á mañá, do sudoeste á tarde e variable á noite, forza 1 a 2 á mañá e á noite e 2 a 3 á tarde. Mar rizado á mañá e á noite e mar ovellado á tarde. Visibilidade regular á mañá e á noite e boa á tarde. Mar de fondo do noroeste, con ondas de 2 a 3 metros á mañá e 1.5 a 2.5 metros á tarde e á noite.
