O Centro Arqueolóxico do Barbanza (Neixón, Boiro) vai celebrar este sábado 3 de outubro en horario de tarde (de 11.30 e 17.00 horas) un obradoiro de petróglifos para rapazada de 6 a 14 anos.
A actividade encádrase na celebración do Día da Arte Rupestre e concíbese como unha sesión práctica e participativa para achegar a rapazada ao fascinante mundo da arte rupestre.
Segundo informou o Centro Arqueolóxico do Barbanza, “nesta actividade explicaremos cales son os motivos que están gravados nos petróglifos, todo isto farémolo coa axuda dunha lanterna”.
A continuación, a rapazada realizará os seus propios colgantes inspirados nos motivos da arte rupestre.
Inscrición: a actividade require inscrición previa que se pode facer a través da web do Centro Arqueolóxico do Barbanza ou mediante o código QR incluído no cartaz.
Aforo limitado a 15 prazas por sesión.
