Galicia continuará nunha situación intermedia entre as altas presións localizadas nos Azores e as baixas presións que se desprazan máis ao norte. Con esta situación, teremos máis nubes no norte, con posibilidade de chuvascos illados e ocasionais, que tenderán a remitir co avance do día. No resto, os ceos estarán máis abertos, con presenza de nubosidade de tipo alto. As temperaturas mínimas sufrirán un lixeiro descenso, mentres que as máximas non experimentarán cambios significativos (21 a 24 graos). Os ventos soprarán frouxos do norte-nordés, con intervalos moderados no litoral atlántico.
o noso mar: Vento do nordés á mañá, do norte á tarde e do norte á noite, forza 3 a 4 á mañá, 5 a 6 á tarde e 3 a 5 á noite. Marusía á mañá e á noite e forte marusía á tarde. Visibilidade boa. Mar de fondo do noroeste, con ondas de 1 a 1.5 metros.
