Galicia continuará baixo o dominio das altas presións e a entrada de aire cálido durante a xornada deste luns o que garantirá un día dominado polo ceo despexado e as altas temperaturas en todo o territorio
Os termómetros manteranse con poucos cambios ou en lixeiro ascenso con subas máis notables nas temperaturas máximas que se rexistren na comarca da Mariña(máximas de 32 a 34 graos).
O réxime de ventos caracterizarase por soprar frouxo de compoñente sur ao longo da mañá para xirar cara a compoñente oeste a medida que avance a tarde.
O noso mar; Vento variable á mañá, do oeste á tarde e do noroeste á noite, forza 1 a 2 á mañá, 1 a 3 á tarde e 2 a 3 á noite. Mar rizado á mañá e mar ovellado á tarde e á noite. Visibilidade boa á mañá e á tarde e mala á noite. Mar de fondo do noroeste, con ondas de 1 a 1.5 metros á mañá e á tarde e 0.5 a 1.5 metros á noite.
