O tempo anticiclónico continuará a marcar o panorama meteorolóxico en Galicia durante a xornada deste sábado 12, Santa Uxía, festivo local en Ribeira. A comunidade permanecerá baixo a influencia directa das altas presións, ás que se sumará a entrada progresiva dunha masa de aire cálido procedente do sur da Península Ibérica.
A mañá comezará coa formación de bancos de néboa en diversas zonas do interior que irán desfacéndose a medida que avancen as horas, dando paso a un ambiente completamente seco e con ceos despexados na práctica totalidade do territorio.
No tocante aos termómetros, agárdase un incremento xeral das temperaturas, sendo este ascenso especialmente acusado nos valores máximos da tarde(máximas de 30 a 32 graos).
O réxime de ventos estará dominado pola compoñente nordés. Soprarán de carácter frouxo nas comarcas do interior e moderados na franxa costeira, acadando refachos fortes na contorna de Estaca de Bares durante a segunda metade do día.
O noso mar; Vento do nordés á mañá e á noite e do noroeste á tarde, forza 2 a 3 á mañá e á tarde e 1 a 3 á noite. Mar ovellado. Visibilidade boa. Mar de fondo do noroeste, con ondas de 0.5 a 1 metros.
