O lume calcinou o salón e encheu de fume todo o inmoble, aínda que o único morador resultou ileso ao decatarse a tempo.
Un susto de madrugada que afortunadamente saldou sen danos persoais. Unha vivenda situada na rúa Camiño Sacramental, no lugar da Chaínza (Noia), sufriu este domingo un incendio orixinado, segundo os servizos de extinción, por un cigarro que quedou sen apagar. O aviso recibiuse arredor das 06:52 horas cando as chamas comezaron a prender no interior do inmoble.
O lume focalizouse no salón da casa, que resultou gravemente calcinado, mentres que a intensa fumareda acabou por propagarse por todas as estancias da vivenda. Pese ao perigo da situación, a persoa que nese momento ocupaba o domicilio deuse conta do ocorrido a tempo de poñerse a salvo, polo que non houbo que lamentar ningún tipo de feridos nin intoxicacións por inhalación de fume.
Ata a zona mobilizouse un amplo despregamento de emerxencias composto polos Bombeiros de Boiro, os Bombeiros de Ribeira, efectivos do Grupo de Emerxencias Supramunicipal (GES) de Noia e axentes da Garda Civil, quen trab
