A AECC da Pobra (Asociación Española Contra o Cancro) vai realizar este domingo 30 de agosto pola mañá unha nova xornada de recadación de fondos a pé de rúa.
O voluntariado da Xunta Local da Pobra do Caramiñal percorrerá as rúas de municipio, identificado cos seus característicos chalecos verdes e as tradicionais huchas, para pedir a colaboración e implicación dos veciños e veciñas para avanzar en investigación e na humanización da atención ás persoas con cancro.
Celebrarase entre as 11 e as 14.30 horas.
As mesas estarán situadas nos Xardíns de Valle-Inclán e a praza de Maura.
Tamén se pode colaborar a través da páxina dona.contraelcancer.es e de Bizum (código 06505).
