A fronte atlántica traerá ventos fortes ao litoral e inestabilidade en gran parte da comunidade.
Aviso amarelo este mércores en Galicia por fortes choivas e treboadas: canceladas as viaxes en barco a Ons
A comunidade galega quedará este mércores baixo a influencia directa dunha borrasca situada ao noroeste, cunha fronte asociada que cruzará o territorio ao longo da xornada. A predición meteorolóxica apunta a ceos parcialmente nubrados con precipitacións xeneralizadas na maior parte do país, que poderán vir acompañadas de actividade tormentosa.
Previsión para a xornada:
- Precipitacións: Choivas probables en calquera punto do territorio, con posibilidade de treboadas e chuvascos localmente intensos.
- Temperaturas: Descenderán de xeito entre lixeiro e moderado en toda a comunidade.(máximas de 24 a 20 graos).
- Ventos: Soprarán moderados de compoñente sur-suroeste no interior, acadando intensidade forte na franxa do litoral atlántico.
O noso mar; Vento do sur á mañá, do sudoeste á tarde e do sur á noite, forza 5 a 6 á mañá, 2 a 4 á tarde e 3 a 4 á noite. Forte marusía á mañá e marusía á tarde e á noite. Visibilidade mala á mañá e regular á tarde e á noite. Mar de fondo do noroeste á mañá e oeste á tarde e á noite, con ondas de 1 a 2 metros.
