O plan de mantemento do Concello de Muros continúa avanzando en diferentes puntos do municipio.
Nos últimos días, unha empresa especializada realizou traballos de mantemento na contorna da estrada comarcal AC-550, entre Louro e Muros, actuando nos miradoiros, nas áreas de descanso e no paseo peonil que une ambas localidades.
A concelleira de Obras, Laura Rivadeneira, destacou que “o mantemento do concello require un traballo constante e planificado. Con este tipo de actuacións seguimos mellorando espazos moi transitados, facendo que sexan máis seguros, accesíbeis e agradábeis”.
Traballos de roza en Tras da Costa
Ademais, ao abeiro do plan de mantemento do Concello, a brigada municipal de obras realizou traballos de roza no núcleo de Tras da Costa, acondicionando os camiños para facilitar o paso de vehículos e peóns e mellorar a visibilidade da contorna.
