A Asociación Cultural Barbantia ponse en marcha e xa este venres 12, na casa de cultura de Boiro organizo a primeirs cita, foi con María Armental, que presentou a tradución dunha selección de poemas de Douglas Dunn. A autora contou co apoio do secretario xeral de Política Lingüística, Valentín García, e o alcalde boirense, José Ramón Romero. O edificio da Cachada acolleu un aforo reducido debido a actual situación de pandemia.
A seguinte cita será o venres día 19 en Rianxo, onde Aurora Marco, falará do seu último libro, As irmandiñas, un volume que saca á luz a mulleres que desenvolveron en Galicia unha importante actividade social, cultural e política no período comprendido entre 1916 e 1936. A autora contará con Encarna Pego e o alcalde Adolfo Muíños. O acto contará coa intervención musical de Barahúnda, formado por Helena de Alfonso e José Lara.
Como no caso anterior a sala do auditorio na que se desenvolverá o acto ten capacidade para 40 persoas mantendo as distancias obrigatorias.
A cita do 26 terá como escenario o centro cultural Lustres Rivas de Ribeira. Será a escritora María Xesús Blanco a que se dirixa ao público para presentarlle O caderno de Rosalía, un libro de relatos que teñen como protagonista a unha nena forte, valente e entusiasta. Serán 55 as persoas que poderán acompañar á autora.
