O Concello de Outes compartiu nas redes o cartel das Festas do Santiaguiño edición 2026, que se celebran entre o 24 e o o 26 de xullo en diferentes emprazamentos da Serra, achegando un amplo programa de actividades relixiosas e culturais para veciños e visitantes de todas as idades.
As celebracións comezan o 24 cunha ruada mañaneira a cargo de Jaitas Blue e cunha Misa da Milagrosa na Capela da Serra (ás 12h) coa Coral Francisco Añón. Polo serán (ás 21.00 horas) celebrarase o IX Intercambio de Escolas “Suso Vaamonde”, na Horta do Muíño, e logo (no mesmo emprazamento) actuarán Anxo Araújo (ás 22.30 horas) e Olympus (ás 23.30 horas).
O 25 de xullo arrincará cunha ruada coa Banda Municipal de Outes e logo cunha Misa do Santiaguiño na Capela da Serra (ás 12h), coa Coral Francisco Añón. Ás 20h actuará a Banda Municipal do Concello de Outes na Horta do Muíño, que dará paso a un concerto da cantante galega Catuxa Salom. Logo na praza do Bosque actuará a Orquestra Compostela.
O 26 de xullo comezará cunha ruada a cargo dos Campantes da Baña. Logo haberá unha Misa por San Cristovo coa Coral Pedra Xarpal e ao seu remate sairá a caravana de vehículos até O Freixo. Ao mediodía (ás 13.30h) haberá na Horta do Muíño unha sardiñada amenizada pola Escola de Baile Tradicional do Concello de Outes. Logo proseguirá a festa con D’ Palique, Tanto Nos Ten e a Charanga Mekánica Rolling Banda. Pola tarde haberá inchábeis e xogos para a rapazada e pola noite, na praza do Bosque (ás 22h) actuarán Claxxon e o Grupo Gala.
