O Concello da Pobra do Caramiñal lembra á veciñanza que a Oficina Municipal de Información ao Consumidor (OMIC), situada no primeiro andar da Praza de Abastos, continúa prestando servizo durante os meses de verán.
O horario de atención ao público é de luns a venres, de 10.00 a 14.00 horas. Ademais, co fin de facilitar o acceso ao servizo ás persoas que non poden acudir en horario de mañá, a oficina ofrece atención en horario de tarde previa cita.
A Oficina Municipal de Información ao Consumidor ofrece información, asesoramento e orientación gratuíta sobre cuestións relacionadas co consumo, así como apoio na tramitación de consultas, reclamacións e conflitos derivados da compra de bens ou da contratación de servizos.
As persoas interesadas poden contactar coa oficina a través do teléfono 981 831 545 (extensión 3) para solicitar información ou concertar unha cita.
Horario de verán da OMIC
- De luns a venres: de 10.00 a 14.00 horas.
- Atención en horario de tarde: previa cita.
