Galicia continuará un día máis baixo a influencia das altas presións, o que garante unha xornada de tempo seco e estable na metade sur do país, mentres que o norte penará con máis nubes
Nas Rías Baixas haberá sol e refachos fortes de vento
- Ceos: Ao contrario que no norte de Galicia, na zona das Rías Baixas teremos dunha xornada de ceos maioritariamente despexados desde as primeiras horas, sen ameaza de nubes baixas nin orballos.
- Temperaturas: Non se agardan cambios significativos. As temperaturas máximas manteranse en valores moi agradables, sen experimentar a baixada que si se notará no norte provincial. (30 graos).
- Vento: Atención ao mar e ao litoral; o vento do nordés soprará con moderada intensidade e agárdanse refachos fortes na franxa costeira atlántica a medida que avance a tarde.
En Santiago de Compostela e comarca a mañá deixará nubes e tarde despexada.
- Ceos: A capital galega amencerá con algunhas nubes baixas e posibles bancos de néboa nas primeiras horas do día, herdanza da inestabilidade do terzo norte. Porén, a partir do mediodía os ceos quedarán completamente despexados.
- Temperaturas: As máximas poderían sufrir un lixeiro descenso (seguindo a tendencia de toda a provincia da Coruña), mentres que as mínimas manteranse sen cambios significativos. (24 graos)
- Vento: O vento de compoñente nordés soprará con intensidade moderada, deixando unha sensación térmica algo máis fresca á sombra.
O noso mar: Vento do norte á mañá e do norte á tarde e á noite, forza 4 a 5 á mañá, 5 a 7 á tarde e 5 a 6 á noite. Forte marusía. Visibilidade boa. Mar de fondo do noroeste, con ondas de 0.5 a 1.5 metros.
