O sábado 20 de xuño celebrarase na Horta do Muíño (Outes) a Xeira de Fin de Curso das familias do concello.
Haberá diversas actuacións e, quen o desexe, pode traer a comida e reservar sitio para xantar, cubrindo o formulario que atopará na páxina web municipal.
A xornada inclúe diversas actuacións musicais, teatrais e de lecer.
Ás 12.30 horas actuarán Micromina Teatro de Títeres con Raio The Loubican.
Ás 13.30 horas haberá sesión vermú con D’Palique.
Ás 14.00 horas comezará o xantar no campo e logo da comida, de 15.00 a 18.00 horas, será a quenda das actividades para a rapazada, con inchábeis, xogos tradicionais e pintacaras.
A xeira rematará con circo: con Rogelio, un pallaso en recuperación, de ASSircópatas, a partir das 18.30 horas.
