Un incendio nun aparcadoiro situado na Praza de España mobilizou está madrugada aos servizos de emerxencia.
Ao fío das 04:00 horas desta madrugada, os mesmos profesionais de extinción de Ribeira comunicaron a súa saída ao 112 Galicia. Indicaban que foran solicitados pola Policía Local para un incendio nun aparcadoiro e que se alertase aos compañeiros de Boiro por se fose precisa a súa intervención.
Con estes datos, o 112 Galicia informou aos profesionais de Boiro que, decontado, saíron cara o punto. Por precaución, tamén se alertou ao persoal do Servizo de Urxencias Sanitarias de Galicia-061, aínda que, por fortuna, non tiveron que intervir.
Finalmente, tras extinguir o lume, os Bombeiros confirmaron que unicamente arderan un banco e restos de madeira almacenados no seu interior e que o andar do aparcadoiro se vira afectado polo fume.
