O músico Anxo Araújo vai achegar este verán unha serie de concertos pola xeografía galega. A xira comezará o 23 de xuño en Cedeira (na praza Floreal) e proseguirá en Arteixo (no Anfiteatro) o 26 e en Cee (na Casa da Cultura) o 27.
Xa en xullo, o día 24, achegará un concerto en Outes, na Horta do Muíño.
A xira continuará en Muxía (no Camping Lago Mar) o 30 de xullo.
Xa en outono Araújo estará en Vilar de Santos (na Arca de Noé) o día 2 de outubro, e no Riquela Club de Santiago o 9 de outubro. Logo, o 24 de outubro, recalará en Cambados, no Krazzy Kray.
Ao longo das seguintes semanas iranse dando a coñecer máis datas de concertos.
Na xira presentará cancións do seu disco Aprender a bailar, de 2024, en palabras do xornalista musical Carlos Crespo (Fugas) un dos mellores discos producidos en Galicia nos últimos tempos: un segundo álbum orixinal e entregado ao pop máis saboroso que pon ao descuberto o lado máis luminoso do artista pontevedrés, que asina un traballo cheo de sensibilidade e ritmos de baile.
Tamén presentará os temas Viva a costa alentexana (2025), o seu novo traballo en formato curto (EP).
Anxo Araújo é un dos novos nomes da escena do pop independente galego.
Anxo Araújo: voz, guitarra
Faus Camaño: batería
Andrés Martínez: teclado e voces
Borja López: trombón, sintetizador e voces
