Non houbo máis feridos. O accidente ocorreu uns dez minutos despois das 16:00 horas. Segundo lle indicou un particular ao 112 Galicia, atopárase cun turismo envorcado na avenida Berdón, cunha persoa no seu interior que non era quen de saír.
Con estes datos, desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Vilagarcía de Arousa e aos de Ribadumia, a Emerxencias de Vilagarcía de Arousa, á Garda Civil de Tráfico e á Policía Local.
A vítima tivo que ser excarcerada para poder saír do coche accidentado. Tras iso, foi atendida polo persoal sanitario desprazado ata o punto.
Turismo envorcado en Catoira
Arredor das 15:30 horas produciuse outro accidente cun turismo envorcado, neste caso na PO-548, no quilómetro 7.
O condutor, único ocupante do vehículo, tivo que ser excarcerado para saír do coche e ser trasladado ata o hospital de referencia.
Neste operativo participaron o Servizo de Urxencias Sanitarias de Galicia-061, os Bombeiros de Vilagarcía de Arousa, o GES de Padrón, a Garda Civil de Tráfico e a Agrupación de Voluntarios de protección Civil de Catoira.
