O Concello de Noia pon en marcha a iniciativa Somos Comunidade, un programa no que poderemos coñecer de preto o traballo que realizan diferentes asociacións, colectivos e entidades sociais da vila e a súa contorna, colaborando con elas e descubrindo a importancia da participación comunitaria.
Durante dúas semanas, en horario de 10:00 a 14:00 horas, visitaremos entidades como Cáritas, A Creba, Misela ou Cruz Vermella, acompañado/a por un monitor ou monitora que guiará todas as actividades. Trátase dunha proposta para mozas e mozos de entre 12 e 17 anos que “queiran vivir unha experiencia diferente este verán”, segundo indicou o Concello, engadindo que as quendas dispoñíbeis son as dos dous períodos que van do 1 ao 15 de xullo e do 16 ao 31 de xullo. Trátase dun programa gratuíto con prazas limitadas (terán prioridade os mozos e mozas empadronados/as en Noia).
As inscricións xa se poden levar a cabo a través da Rede e do formulario habilitado.
