O Conservatorio de Noia (Conservatorio Profesional de Música “Felipe Paz Carbajal”) compartiu o programa de actividades do Xuño Musical 2026, unha axenda ateigada de concertos e actuacións para público de todas as idades.
De feito, o alumnado será o gran protagonista dun calendario no que non faltarán concertos didácticos, encontros con outros centros, actos de graduación e dúas representacións do musical baseado na música de Queen.
Será, en palabras do Concello, “unha excelente oportunidade para descubrir o talento dos nosos músicos e vivir a música en directo en diferentes escenarios de Noia”.
A axenda comeza este xoves 4 de xuño ás 20.00 horas no Coliseo Noela, ás 20h, cun concerto do alumnado do Conservatorio.
O xoves 11 celebrarase ás 20.00 horas no Coliseo un concerto didáctico do alumnado de grao elemental.
O venres 12 o Noela acollerá ás 20h un concerto de piano intercentros comarcal con alumnado da Escola de Música de Porto do Son, do Conservatorio de Ribeira e do Conservatorio de Noia.
O xoves 18 ás 20h haberá no Coliseo un concerto de alumnado do Conservatorio con motivo da graduación do alumnado de grao profesional.
O venres 19 ás 21h celebrarase en Calo-Teo (Campo de Rebordelo) un concerto coa Banda de de Música de SR San Xoán de Calo, coa Banda de Gaitas Estivada de Calo, coa Orquestra, Banda e Coro do Conservatorio de Noia (Queen, O Musical).
