Os vindeiros días 8 e 9 de xullo, o auditorio da Casa da Cultura do Concello do Porto do Son acollerá o curso de verán Novas fronteiras da igualdade: retos e solucións nas relacións laborais, unha formación de 15 horas lectivas de duración organizada pola Universidade de Santiago en colaboración co Concello, vai abordar dende unha perspectiva xurídica e interdisciplinar, algúns dos desafíos actuais en materia de igualdade e non discriminación no ámbito das relacións laborais (xénero, idade, discapacidade, enfermidade, orientación sexual, interseccionalidade, etc.).
A formación contará coa participación de profesionais do eido académico, xudicial e institucional, entre elas representantes do Consello Galego de Relacións Laborais, ademais da programación de dúas visitas culturais.
O curso, con prazas limitadas, está orientado tanto a estudantes como a profesionais do sector xurídico e laboral, ademais de axentes sociais e calquera persoa que teña interese por coñecer as políticas de igualdade no entorno laboral. Levaranse a cabo oito palestras especializadas e unha mesa redonda con axentes sociais e combinará o estudo normativo coas ferramentas prácticas necesarias para a identificación, prevención e erradicación da discriminación no entorno empresarial.
A inscrición permanecerá aberta ata o 26 de XUÑO e o custo xeral da matrícula fíxase en 70 €, cunha tarifa bonificada de 40 € para estudantes, persoas en situación de desemprego, pensionistas e integrantes da comunidade universitaria da USC
