Un home foi detido pola Policía Local de Vilagarcía de Arousa despois de alardear en plena rúa de pertencer á banda terrorista ETA e amenazar con colocar unha bomba nun bar.
O detido, que estaba en estado de embriaguez, protagonizou unha sucesión de altercados na vía pública que incluíron agresións físicas, lanzamento de pedras contra vehículos e operarios, e insultos de índole racista contra varios cidadáns.
Os feitos comezaron no parque da Xunqueira, onde o individuo intentou agredir a varias persoas. Máis tarde interveu frente a obras na avenida Rodrigo de Mendoza, onde un traballador subsahariano recibiu un impacto leve de pedra e sufriu insultos racistas, o que obrigou a paralizar temporalmente os traballos.
Despois trasladouse a un establecemento hostaleiro en Santa Eulalia, onde cuspiu a unha cliente, e finalmente gritou nas inmediacións dun bar da rúa Arcebispo Xelmírez que era de ETA e que ía poñer unha bomba, provocando múltiples chamadas á policía.
Tras a detención, a investigación por todos estes feitos quedou en mans da Policía Nacional.
