Agárdase unha xornada con ceos maioritariamente despexados, aínda que con presenza de nubes altas. No litoral atlántico poderán rexistrarse brétemas costeiras, mentres que pola tarde medrarán nubes de evolución no leste, con posibilidade dalgún chuvasco treboento illado.
As temperaturas manteranse sen cambios ou con lixeiros descensos, máis acusados nas zonas costeiras debido ás brétemas( 26 a 28 nas costa e 31 no interior). O vento soprará frouxo de compoñente norte, con intervalos moderados durante a tarde no litoral atlántico.
O noso mar; vento do norte á mañá e á noite e do noroeste á tarde, forza 2 a 3 á mañá, 3 a 4 á tarde e 1 a 3 á noite. Mar ovellado á mañá e á noite e marusía á tarde. Visibilidade regular á mañá e á tarde e mala á noite. Mar de fondo do noroeste, con ondas de 0.5 a 1 metros á mañá e á tarde e 1 a 1.5 metros á noite.
