Laura Lourido, escritora de Outes, presentou na súa terra este pasado sábado 23 de maio ao mediodía, na Casa da Cultura de Outes e cun auditorio cheo de público, o seu libro Pretérito Imperfecto.
Pretérito Imperfecto é unha viaxe a través da propia autora, nas súas palabras “un camiño longo e difícil cuxa meta aínda non alcancei”. E engadiu: “É un proceso de transformación e reconstrución que nace da perda. É a ferida, a dor e o baleiro plasmados en papel. É o tempo, paciente, ordenando o caos e a luz aparecendo difusa, pouquiño a pouco. Algún día serán os restos doutra Laura, un recordo. E tamén un lugar para agradecer todo o aprendido”.
