Estudantes de 4.º da ESO do IES N.º1 de Ribeira participaron recentemente nunha actividade do Programa de Ciencia Cidadá sobre Lixo Mariño do CEIDA (Centro de Extensión Universitaria e Divulgación Ambiental de Galicia), consistente na limpeza da praia de Coroso.
Durante a xornada contabilizáronse 1.752 residuos e recolléronse 29,15 quilogramos de lixo, destacando material de pesca (cabos e cordas), cabichas, plásticos e outros desperdicios.
A comunidade educativa do centro amosa a súa preocupación “pela elevada cantidade de residuos plásticos atopados recentemente na praia de Coroso, un dos espazos naturais máis importantes e frecuentados do municipio de Ribeira”. En consecuencia, solicitan ao Concello un conxunto de medidas que contribúan a reverter a situación e concienciar á cidadanía sobre a importancia de manter as contornas libres de residuos.
O concelleiro de Medio Ambiente, Víctor Reiriz, agradece a disposición do instituto “por participar nunha actividade que non só fai que o alumnado creza a nivel académico, senón tamén persoal. Grazas por dedicar parte do voso tempo a limpar este areal; unha acción que redunda positivamente no conxunto da cidadanía. E tódalas suxestións son benvidas”.
O edil indica tamén que o Concello de Ribeira traballa xa en medidas encamiñadas a “sensibilizar sobre a importancia de preservar os nosos espazos naturais, pois consideramos que a educación é a base de todo. E, por suposto, tamén tomamos acción con medidas concretas como, por exemplo, a xornada de limpeza do
