O Concello de Boiro amplía o horario de apertura do aparcamento municipal da Praza de Galicia, que se que se reducira durante o confinamento.
O novo horario que se establece será de 7.00 a 22.00 horas, de luns a sábado,
e estará aberto de xeito gratuíto mentres dure o Estado de Alarma.
No momento que se decretou o Estado de Alarma e o confinamento da
poboación, o Concello de Boiro decidiu reducir o horario de apertura do
aparcamento municipal e mantelo aberto de xeito gratuíto para facilitar aos
usuarios que facían as súas compras e evitar o contacto á hora de manipular
as máquinas de pago para minimizar os riscos de contaxio.
Coa evolución das fases do Plan de transición cara unha nova normalidade e a apertura dos comercios, o Concello de Boiro decidiu ampliar o horario de apertura do aparcamento municipal para facilitar o estacionamento
no centro de Boiro. Mentres dure esta situación de desescalada, o
aparcamento municipal será gratuíto e estará aberto, con vixilancia, entre as 7.00 e as 22.00 horas de luns a venres.
A Xunta declara a situación de seca prolongada en toda a demarcación de Galicia-Costa pola falta continuada de choivas. Barbanza, Muros-Noia, Arousa e Santiago entre elas
A medida non supón restricións automáticas no consumo, que continúan supeditadas aos niveis de escaseza de cada concello. Un total de 123 municipios contan con afectacións parciais ou totais: 32 permanecen en alerta e 91 en prealerta, mentres a conca do río Grande sae...
