O Concello de Rianxo, a través do seu alcalde, Julián Bustelo, informou da conclusión da primeira fase do proxecto de renovación do firme da estrada de acceso á igrexa e ao hórreo do Araño dende a AC-305.
Os traballos consistiron fundamentalmente na limpeza previa do treito afectado e o seu posterior asfaltado con mestura bituminosa en quente.
O rexedor engadiu que nos próximos meses o Concello de Rianxo levará a cabo a segunda fase a través dun convenio de colaboración coa Xunta de Galicia. Esa futura actuación centrarase no entorno dos dous elementos patrimoniais, mellorando a zona de aparcamento.
