A Asociación Deportiva Os Salta Rejos, coa colaboración do Concello de Muros, organiza o próximo domingo 17 de maio a VII BTT de Esteiro.
“Será na área recreativa do Artón, cunha ruta longa e outra curta”, explicou o concelleiro de Deportes, Damián Torea, na presentación da proba xunto á alcaldesa, María Lago, e o presidente da Asociación Deportiva Os Salta Rejos, Ramón Fontaíña.
María Lago animou “á veciñanza de Esteiro a participar ou asistir á proba, xa consolidada no calendario deportivo da comarca e que mestura deporte e natureza”.
As inscricións deben facerse en www.cronotec.es e a saída será ás nove da mañá.
Indicar que BTT son as siglas de Bicicleta Todo Terreo, o termo en galego para referirse ao que se coñece como MTB (Mountain Bike) ou ciclismo de montaña. É unha disciplina ciclista que se practica en terreos naturais, camiños de terra, sendeiros e roteiros de montaña.
