O Concello de Ribeira iniciará en próximas datas unha campaña de control da velocidade mediante a colocación dun radar móbil no tramo comprendido entre A Capela e A Graña, na parroquia de Carreira, despois de que numerosa veciñanza trasladase que son moitos os vehículos que exceden a velocidade máxima permitida. O Concello explica que estamos ante unha medida temporal que busca exclusivamente calmar a
velocidade de circulación. Ademais, reforzarase con presencia policial na zona.
A alcaldesa de Ribeira, María Sampedro, explica que “tomamos esta decisión por motivos de seguridade, tanto para viandantes como para o resto de turismos, xa que nese tramo rexístrase bastante tráfico pola existencia de fábricas próximas. Non é con afán recadatorio, senón para que os condutores cumpran coa velocidade máxima permitida. Para iso, o Concello de Ribeira dedicará recursos materiais e humanos”.
