O Concello de Ribeira e Taller Alecrín convidan a bailar con motivo do Día Internacional da Danza

22 Abril 2026

O Día Internacional da Danza conmemórase cada 29 de abril, polo que o Concello de Ribeira, xunto a Taller Alecrín, convidan a bailar no domingo 26, ás 18.00 horas, no Malecón, a carón da OMIC. Baixo o nome Compromiso co Baile, este programa segue a liña de fomentar a participación e a educación da danza a través de eventos.

En caso de chuvia, trasladarase ao interior da carpa a carón do mercado municipal.

As persoas interesadas poderán asistir de maneira gratuíta a esta mostra de linedance e baile social a modo de clase aberta a cargo dos participantes nos obradoiros que Taller Alecrín desenvolve actualmente en diferentes concellos coa colaboración de entidades públicas e asociativas como, por exemplo, a Asociación Amas de Casa e a Asociación Ambar. E o DJ Dani Fontaíña será o encargado de amenizar esta xornada de baile.

“En Ribeira celebraremos o Día Internacional da Danza; unha data sinalada pola UNESCO no 1982 en honor a Jean-George Noverre. Trátase dun medio de expresión artística máis que tamén queremos poñer en valor, pois diversifica a oferta cultural municipal. Ademais, o baile tamén ten moitos beneficios para a saúde e o estado anímico, ademais de fortalecer a interacción social”, en palabras da concelleira de Cultura, Ana Barreiro.

As coreografías seguirán os ritmos do swing, country, pasodobre, bachata, merengue, chachachá, soul, disco e funky baixo a dirección de Francisco Muñiz, cun total de 14 propostas e algunha sorpresa, porque como apuntou a presidenta de Taller Alecrín, Lola López, este é un compromiso co baile que se enmarca no programa de actividades que desenvolve a entidade.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.