Catro veciños de Santiago foron rescatados o afundirse a embarcación de recreo na que navegaban na zona de Basoñas en Porto do Son.
O suceso aconteceu ao fío das 10:30 horas desta mañá, cando un particular poñía en alerta ao 112 Galicia. Indicaba que acababa de rescatar a catro persoas, que navegaban nunha lancha que afundira.
Con estes datos, desde o Centro Integrado de Atención ás Emerxencias (CIAE) 112 Galicia informouse a Salvamento Marítimo e ao persoal do Servizo de Gardacostas de Galicia. Tamén foron avisados os axentes da Garda Civil e de Protección Civil da localidade. Os rescatados foron levados o peirao de Porto do Son.
Finalmente, os dous tripulantes con hipotermia foron trasladados en ambulancia ata o Hospital do Barbanza.
