A xornada do sábado de Gloria estará marcada pola continuidade da influencia anticiclónica en Galicia, garantindo un tempo estable e maioritariamente soleado.
Durante as primeiras horas do día poderán rexistrarse néboas en comarcas do interior, que irán disipándose a medida que avance a mañá. A partir de aí, predominarán os ceos moi despexados en xeral, con presenza de nubes altas que non impedirán o paso do sol.
As temperaturas experimentarán un lixeiro a moderado ascenso, acadando valores elevados para esta época do ano, o que deixará unha sensación térmica máis propia da primavera avanzada. (21 a 23 graos).
En canto ao vento, soprará do sur-suroeste, con intensidade moderada especialmente durante a tarde.
O noso mar: Vento do sur á mañá e á tarde e variable á noite, forza 1 a 2 á mañá e á noite e 2 a 3 á tarde. Mar rizado á mañá e á noite e mar ovellado á tarde. Visibilidade boa. Mar de fondo do noroeste, con ondas de 2 a 3 metros.
